नेपालमा २५० जना कोरोना संक्रमित थपिएका छन् ।
स्वास्थ्य तथा जनसंख्या मन्त्रालयले बिहीबार आयोजना गरेको पत्रकार सम्मेलनमा प्रवक्ता डा.जागेश्वर गौतमले पछिल्लो २४ घन्टामा २५० जनामा कोरोना भाइरस संक्रमण पुष्टि भएको जानकारी दिएका हुन् ।
नयाँ संक्रमितमा पुरुष २३० पुरुष र २० जना महिला रहेको उनले बताए। योसँगै कुल संक्रमितको संख्या ४ हजार ६१४ पुगेको छ।
यस्तै बितेको २४ घण्टामा १८७ जना कोरोना निको भएर डिस्चार्ज भएका छन्।
जसमा ८ महिला र १७९ पुरुष रहेका छन्। योसँगै कूल निको हुनेको संख्या ८६१ जना पुगेको पनि गौतमले जानकारी दिए।
यस्तै हालसम्म कोरोनाबाट १५ जनाको मृत्यु समेत भएको छ।
