भूमे गाउँपालिका –२ काँक्रीका सहोदर दुई दाजुभाइ दुई सातादेखि बेपत्ता छन्। बेपत्ता हुनेमा पलबहादुर नेपालीका छोरा १७ वर्षीय फर्कमान र १३ वर्षीय मस्त नेपाली रहेका छन्।
पारिवारिक स्रोतका अनुसार यही जेठ ४ गते दाजुभाइ दिदीको घर रोल्पा थबाङ गएका थिए। दिदी कहाँ बसेर जेठ ६ गते घर आउन भनी थबाङबाट हिँडेता पनि अहिलेसम्म उनीहरु सम्पर्कमा आएका छैनन्।
बुबा पलबहादुरका अनुसार थबाङबाट बाटो लाग्दासम्म सम्पर्कमा रहेका उनीहरु साँझसम्म पनि घर फर्किएनन्। दुई छोरा हराएको १९ दिनसम्म पनि सम्पर्कमा नआएपछि परिवारले खोजिदिन सबैमा आग्रह गरेको छ।
उनीहरुको खोजी गरिदिनका लागि परिवारले प्रहरीमा सोमबार निवेदन पनि दिएको छ।
.jpg)
