दोलखाकाे तामाकोसी नदीमा डुबेर दुई जना युवक बेपत्ता भएका छन्।
एक युवक माछा मार्ने क्रममा र एक युवक पौडी खेल्ने क्रममा तामाकोसी नदीमा डुबेर बेपत्ता भएका हुन्।
बेपत्ता हुनेमा मेलुङ गाउँपालिका–१ पोवटीका ३६ वर्षीय दीपक भुजेल र कालिन्चोक गाउँपालिका–७ ठुलाखेतका नवराज पौडेल रहेको जिल्ला प्रहरी कार्यालय दोलखाका प्रहरी निरीक्षक रमेश बोहोराले बताए।
चैतेघाटस्थित तामाकोसी खोलामा बुबा र भाइसँगै माछा मार्न गएका दीपकलाई माछा मार्ने क्रममा खोलाले बगाउँदा बेपत्ता भएको उनले बताए।
पौडेल भने कोसी खेतस्थित तामाकोसी नदीमा पौडी खेल्ने क्रममा डुबेर बेपत्ता भएका हुन्।
दिउँसो करिब साढे १ बजेदेखि बेपत्ता भएका उनीहरुको खोजीकार्य जारी छ।
.jpg)
