रौतहटमा प्रहरीले गोली चलाएको छ। गए राति रौतहटको राजपुरमा प्रहरीले १२ राउण्ड गोली चलाएको हो।
रौतहट क्षेत्र नम्बर २ का पूर्वसांसद तथा पूर्वमन्त्री मोहम्मद आफताव आलमका भाइ मेहेताब आलमसहित तीन जना पक्राउ गर्न गएको प्रहरी माथि स्थानियले अबरोध गरेपछि प्रहरीले गोली चलाएको प्रदेश २ प्रहरी स्रोतको भनाइ छ।
२०६४ मा भएको राजपुर बम विस्फोटनका अभियुक्तहरु आएको सूचनाका आधारमा प्रहरी राजपुर पुगेको थियो।
‘पक्राउ गर्न खोज्दा स्थानीयले अवरोध गरेपछि उनीहरु भागे,’ हामीले गोली चलाउने पर्ने अवस्था आयो,’ प्रदेश प्रहरी स्रोतले भन्यो।
आलम माथि २७ चैत २०६४ मा राजपुरमा भएको बम विस्फोटको घटनामा संलग्न अभियोग लागेको छ। सोही घटनामा उनका दाई सांसद अफ्ताब आलमलाई २६ असोजमा पक्राउ परेका थियो।
उनीहाल पुर्पक्षको लागि नख्खु कारागारमा चलान भएका छन्।
.jpg)
