कोरोना भाइरसबाट संक्रमित भएका थप एक जना निको भएका छन्।
कोशी अस्पताल कोभिड १९ उपचार केन्द्रमा उपचाररत २५ वर्षीय जमाती महम्मद अदुबकर सुल्तान निको भएर डिस्चार्ज भएका हुन्।
५ वैशाखमा उदयपुरको त्रियुगा नगरपालिका– ३ भुल्केमा उनीसहित १२ जनामा कोरोना संक्रमण पुष्टि भएको थियो।
२७ दिनको उपचारपछि डिस्चार्ज भएका उनलाई रानी मरकजको क्वारेन्टाइनमा राखिएको छ।
यससँगै प्रदेश १ मा निको हुनेको संख्या १७ पुगेको छ। अस्पतालमा अब १८ जना उपचाररत रहेका छन्। सबैको अवस्था सामान्य छ।
