वेवी वाइप्स (डाइपर)मा बढी मूल्य लिने दुई व्यवसायका सञ्चालकलाई वाणिज्य, आपूर्ति तथा उपभोक्ता संरक्षण विभागले दुई–दुई लाख रुपैयाँ जरिवाना तिराएको छ।
काठमाडौंको काभ्रेस्थलीस्थित एक कस्मेटिक्स आर.एल.ट्रेडर्स र नेपाल अनलाइन टेली मार्टका सञ्चालकले ग्राहकसँग बढी मूल्य असुलेको पाएपछि उनीहरुलाई जरिवाना गरिएको हो।
बुधबार बजार अनुगमन तथा निरीक्षण टोलीले उक्त कस्मेटिक र अनलाइन सपका संचालक दिपकराज पोखरेललाई दुई–दुई लाख रुपैयाँ जरिवाना तिराएको हो।
उपभोक्ता संरक्षण ऐन, २०७५ को दफा ३८ (ङ) अनुसार बढी मूल्य लिएको कसुरमा सोही ऐनको दफा ३९ (१) ख बमोजिम जरिवाना तिराएको विभागले जनाएको छ।
.jpg)
