अमेरिकामा कोरोना भाइरसबाट संक्रमित हुनेको संख्या ११ लाख भन्दा बढी पुगेको छ।

जोन हप्किन्स विश्वविद्यालयलको कोरोना भाइरस स्रोत केन्द्रका अनुसार संक्रमितको संख्या ११ लाख तीन हजार भन्दा बढी पुगेको हाे।

यस्तै ज्यान गुमाउनेको संख्या अमेरिकामा ६४ हजार ८ सय भन्दा बढी भएको छ।

न्यूयोर्कमा सबैभन्दा धेरै २४ हजार भन्दा बढीको मृत्यु भएको छ। यस्तै संक्रमितको संख्या तीन लाख ८ हजार भन्दा बढी रहेको छ । 

यता न्यू जर्सीमा संक्रमितको संख्या एक लाख २१ हजार भन्दा बढी र मृत्यु हुनेको संख्या सात हजार पाँच सय भन्दा बढी रहेको छ ।

विश्वभर संक्रमितको संख्या ३३ लाख ४३ हजार भन्दा बढी पुग्दा दुई लाख ३८ हजार पाँच सय भन्दा बढीको मृत्यु भएको छ ।