दक्षिण कोरियामा कोरोना भाइरसबाट हुने नयाँ संक्रमितको संख्या शून्यमा झरेको छ ।
फेब्रुअरी १८ पछि पहिलोपटक दक्षिण कोरियामा नयाँ संक्रमित फेला नपरेका हुन् ।
बिहीबार सार्वजनिक गरिएको तथ्यांकअनुसार पछिल्लो २४ घण्टामा केवल चारजना नयाँ संक्रमित फेला परेका छन् ।
दक्षिण कोरियाको रोग नियन्त्रण तथा रोकथाम केन्द्रका अनुसार ती सबै संक्रमित विदेशबाट आएका मानिसहरु हुन् ।
अहिलेसम्म दक्षिण कोरियामा कोरोनाका १० हजार सात सय ६५ संक्रमित देखिएका छन्। जसमध्ये दुई सय ४७ जनाको मृत्यु भएको छ।
साथै ९ हजार ५९ जना संक्रमित निको भएर घर फर्किसकेका छन्।
