जिल्लाको तिलागुफा नगरपालिका वडा नं. ९ भात्तडीमा बम फेला परेका छन्।  वनमा आगलागी हुँदा जलेको आडी पुन निर्माण गर्न जग खन्दै गर्दा दुई वटा मुन्द्रा भएका बम फेला परेका हुन्। 

आटीको जग खन्दा बम फेला परेपछि स्थानीय त्रसित भएका छन् । आइतबार बेलुका बम फेला परेपछि स्थानीययले प्रहरीलाई जानकारी दिएका थिए। अहिले खल्लागाड प्रहरी चौकीबाट गएको प्रहरीको टोलीले घटना स्थलको सुरक्षा गरिरहेको छ।

भात्तडीमा फेला परेका बम सशस्त्र द्वन्द्वका बेला तत्कालिन माओवादीले राखेको हुन सक्ने अनुमान प्रहरीको अनुमान छ।