लकडाउनमा अलपत्र परेका सर्वसाधारणलाई काठमाडौंबाट लिएर उदयपुरतर्फ आउँदै गरेको बस शनिबार बिहान बर्दिवासको पाटुमा पल्टिँदा एक जनाको मृत्यु भएको छ।
वीपी राजमार्ग अन्तर्गत बर्दिबास नगरपालिका ३ स्थित पाटुमा बा ३ ख ४०३६ नम्बरको बस पल्टिँदा दोलखाको तामाकोशी २ का बाबुराम विश्वकर्मा मृत्यु भएकाे हाे। उनी बस अनियन्त्रित भई पल्टिन लागेपछि बसबाट हामफालेका थिए।
महोत्तरीका प्रहरी प्रमुख एसपी श्यामकृष्ण अधिकारी अनुसार बसका सहचालक समेत रहेका विश्वकर्मालाई बस किच्दा उनको मृत्यु भएको हो।
यस्तै दोलखाको तामाकोशीकै प्रदीप विश्वकर्मा घाइते भएका छन्। उनको बर्दिवासमै उपचार भइरहेको प्रहरीले जनाएको छ।
दुर्घटनामा अन्य कोही घाइते नभएको र फरार भएका बसका चालकको खोजी भइरहेको प्रहरीले जनाएको छ।
.jpg)
