सङ्खुवासभाको पाँचखपनमा चट्याङ लागेर एक जनाको मृत्यु भएको छ। मृत्यु हुनेमा पाँचखपन नगरपालिका–२ की ५२ वर्षीय डम्बर कुमारी राई रहेकी छिन्। शनिबार राति ७ः३० बजे घरमै बसिरहेको अवस्थामा उनको मृत्यु भएको हो। 

गएराति वर्षासँगै आएको चट्याङ लागेर घटनास्थमलै उनको मृत्यु भएको जिल्ला प्रहरी कार्यालयका प्रमुख प्रहरी नायव उपरीक्षक मिम लामाले जानकारी दिए।

शवपरीक्षणका लागि आइतबार जिल्ला अस्पताल खाँदबारी ल्याइएको पाँचखपनका नगरप्रमुख विपीन राईले बताए।