कोरोना भाइरसको संक्रमणबाट स्पेनमा ज्यान गुमाउनेको संख्या १० हजार नाघेको छ।
बिहीबार दिउँसोसम्म स्पेनमा कोरोनाको संक्रमणबाट ज्यान गुमाउनेको संख्या १० हजार तीन पुगेको छ भने १ लाख १० हजार २ सय ३८ जनामा कोरोना भाइरसको संक्रमण भएको पुष्टि भएको छ।
यस्तै युरोपेली मुलुक इटालीमा १३ हजारभन्दा बढी मानिसहरुले कोरोना भाइरसको संक्रमणबाट ज्यान गुमाइसकेका छन् भने संक्रमितको संख्या १ लाख १० हजारभन्दा बढी छ।
कोरोनाको महामारीबाट हालसम्म विश्वभर साढे नौ लाख मानिसहरु संक्रमित भएकोमा ४८ हजार २ सय ७६ जनाको मृत्यु भएको छ।
