यतिबेला सुहाना थापा चर्चामा छिन् । फिल्म ‘ए मेरो हजुर–३’ को कारणले उनी मिडियाको चारै तिर छाउन सफल भएकी हुन् । यो उनको डेब्यु फिल्म हो । अभिनेत्री झरना थापाको निर्देशन रहेको फिल्ममा उनले अहिलेका स्टार अनमोल केसीसँग रोमान्स गरेकी छन् । अनमोलसँग काम गर्दा निकै सहज महशुस भएको उनी बताउँछिन् ।
यो फिल्मका निर्देशक झरना उनकी आमा र निर्माता सुनिल उनको बुबा हुन् । फिल्म होम प्रोडक्सनमा बनेकोले पनि सजिलै डेब्यु गर्ने अवसर मिलेको सुहानाको भनाई रहेको छ । सुन्दरतामात्र नभएर सुहानाको नरम बोली अर्काे आकर्षक पक्ष हो ।
पहाड र सामुन्द्री किनारमा घुम्न रुचाउने उनको अब फिल्ममा तराईको नारीको भूमिका निर्वाह गर्ने इच्छा छ । उनको मनपर्ने हिरो प्रदीप खड्का र आर्शिमान देशराज जोशी हुन् । अबको दिनमा यी दुबैसँग स्क्रिन शेयर गर्न मन लागेको उनी बताउँछिन् । नवअभिनेत्री सुहानासँग रातोपाटीको दश प्रश्न ।
