कलंकीमा बसले स्कुटरलाई ठक्कर दिँदा एक जना घाइते भएका छन्। घाइते हुनेमा ५० वर्षीय स्कुटर चालक श्याम गिरी रहेका छन्। 

मंगलबार बिहान करिब ११ बजे थानकोटबाट कलंकीतर्फ जाँदै गरेको बा २ ख ८५९ नम्बरको यात्रुवाहक बसले प्रदेश नम्बर ३ ००२०१० प ९७७४ नम्बरको स्कुटरलाई ठक्कर दिएको हो।

उनको कलंकीस्थित सहिद मेमोरियल अस्पतालमा उपचार भइरहेको कलंकीका ट्राफिक प्रहरी जवान दीपक कुँवरले जानकारी दिए।

घटनाको थप अनुसन्धान भइरहेको ट्राफिक प्रहरीले जनाएको छ।