शुक्रबारदेखि प्रदर्शनमा आएको बलिउड चलचित्र ‘थप्पड’ले चार दिनमा करिब १७ करोडको व्यापार गरेको छ।
तापसी पन्नुको मुख्य अभिनय रहेको चलचित्र ‘थप्पड’ले पहिलो दिन शुक्रबार ३.०७ करोडको व्यापार गरेको थियो। यस्तै दोस्रो दिन शनिबार ५.०५ करोड, तेस्रो दिन आइतबार ६.५४ करोड र चौथो दिन सोमबार २.२६ करोडसहित चार दिनमा १६ करोड ९२ लाखको व्यापार गरेको बलिउड व्यापार विश्लेषक तरण आर्दशले ट्वीट गरेर जानकारी दिएका छन्।
अनुभव सिन्हाको निर्देशनमा बनेको चलचित्रको निर्मातामा भूषण कूमार, कृष्ण कुमार र अनुभव सिन्हा रहेका छन्।
चलचित्रमा तापसीको साथै पवेल गुलाटी, तन्वी आजमी, दिया मिर्जा, कुमुद मिश्रा, राम कपूर लगायतका कलाकारको अभियन रहेको छ।
चलचित्र विश्लेषकहरुबाट राम्रो रेडिङ पाएको ‘थप्पड’ले बक्सअफिसमा भने सोचेअनुरुपको प्रदर्शन गर्न सकेन।
