नेपाल प्रहरीको असईमा जागिर लगाईदिन्छु भन्दै ठगी गर्ने एक जना पक्राउ परेका छन्। 

विभिन्न ब्याक्तिलाई प्रहरीको असईमा जागिर लगाईदिने भन्दै ठगी गर्ने उदयपुर त्रियुगा नगरपालिका ३ भुल्केको २२ वर्षीय बिजय वाग्लेलाई प्रहरीले झापा मेचीनगर नगरपालिका–६ बाट पक्राउ गरेको हो। 

वाग्लेले प्रहरीको नक्कली परिचयपत्र देखाई सोलुखुम्बु र खोटाङका २ जनालाई केही समय अगाडीदेखि नै प्रहरीको असईमा जागिर लगाईदिन्छु भन्दै दुबै जनाबाट गरि १ लाख ५० हजार रुपैयाँ ठगी गरेको सूचनाको आधारमा ईलाका प्रहरी कार्यालय काँकडभिट्टाबाट खटिएको प्रहरीले उनलाई पक्राउ गरेको हो ।

 वाग्लेलाई ठगी र सरकारी कागज किर्ते मुद्धामा जिल्ला अदालत झापाको अनुमती लिई थप अनुसन्धान भइरहेको प्रहरीले जनाएको छ।