गोली प्रहार गरी मौलापुर ८ सोनरनियाका एकजना आरोपीलाई प्रहरीले रौतहटमा पक्राउ गरेको छ। पक्राउ पर्नेमा तराई जनतान्त्रिक मुक्ती मोर्चाका ईन्चार्ज अभय सिंह भनिने कामेश्वर पटेल कुर्मी रहेका छन्। 

उनी मंगलबार राति ९ बजे रौतहट चन्द्रपुर नगरपालिका ४ स्थित धन्सारबाट जंगलसहिया जाने सडकमा पक्राउ परेका हुन्।

बारा जिल्लाको प्रहरी टोलीले रौतहट प्रहरीको सहयोगमा उनलाई पक्राउ गरेका हुन्। कर्तव्यज्यान लगायतका दर्जनौँ अपराधमा संग्लन रही उनी फरार रहेको प्रहरीले बताएको छ। 

‘प्रहरीलाई देख्ना साथ कुर्मीले फायर गर्न लागेका थिए। त्यसपछि प्रहरीले गोली प्रहार गरी कुर्मीलाई पक्राउ गरेको हो’, इलाका प्रहरी कार्यालय डिएसपी हेमबहादुर शाही भने।
 
सयुक्त प्रहरी टोलीलाई देख्ना साथ फायर गर्न लागेको अवस्थामा प्रहरीले ४ राउण्ड जवाफी फायर गर्दा कुर्मीको बायाँ खुट्टामा दुई ठाउँमा गोली लागेको शाहीले बताए।

उनको चन्द्रपुर अस्पतालमा उपचार भइरहेको प्रहरीले जनाएको छ। उनको साथबाट नलकटुवा पेस्तोल एक थान गोली ५ राउण्ड फेला परेको प्रहरीले जानकारी दिएको छ।