मकवानपुरको मनहरी गाउँपालिका–६ सुनाचुरीमा ट्रक दुर्घटना हुँदा एक जनाको मृत्यु भएको छ भने एक जनाको अवस्था गम्भीर छ। 

मृत्यु हुनेमा रूपन्देही धकदही गाउँपालिका –३ घर भएका २६ वर्षीय अकबर खान रहेका छन् भने घाइते हुनेमा रुपन्देही रोहनी गाउँपालिका–६ घर भएका ४० वर्षीय मकबुल महरु मुसलमान रहेका छन्।

शनिबार नारायणगढबाट हेटौँडातर्फ आउँदै गरेको ना ६ ख २३७ नम्बरको गोरु बोकेको ट्रक अनियन्त्रित हुँदा सो दुर्घटना भएको जिल्ला प्रहरी कार्यालय मकवानपुरले जनाएको छ।

उक्त दुर्घटना गम्भीर घाइते भएका  मुसलमानको उपचार चितवनस्थित पुरानो मेडिकल कलेजमा भइरहेको छ। ट्रक चालक र सहचालक फरार रहेको इलाका प्रहरी कार्यालय मनहरीले जनाएको छ।