२६ वर्षीया एक युवतिलाई बलात्कार प्रयास गरेको आरोपमा दुई जना पक्राउ परेका छन्।

पक्राउ पर्नेमा रुकुम चौरजहारी नगरपालिका वडा नम्वर ६ बस्ने २० वर्षीय राज विक र वडा नम्वर ७ का ३४ वर्षीय प्रेमबहादुर नेपाली रहेका छन्।

बाटोमा हिँडिरहेको समयमा एकान्त ठाउँ पारेर विक र नेपाली मिलेर बलात्कार गर्न खोजेको भन्दै उजुरी परेपछि उनीहरुलाई पक्राउ गरी अनुसन्धान अघि बढाएको प्रहरीले जनाएको छ।

उनीहरुविरुद्ध जबरजस्ती करणी उद्योग शीर्षकमा मुद्दा दर्ता गरी थप अनुसन्धान भइरहेको छ।