पर्साकाे पोल्टीफार्ममा आगलागी भएको छ। विन्दबासिनी गाउँपालिका–४ मधुवलस्थित सचिन पोल्टी फर्ममा आगलागी भएको हो।

स्थानीय लालझडी देवीले सञ्चालन गरेको पोल्टी फार्ममा बिजुलीको तार सर्ट भई सोमबार साँझ साढे ६ बजेतिर आगलागी भएको अनुमान प्रहरीले गरेको छ।

आगलागीबाट पोल्टी फार्ममा राखिएको ग्यास सिलिण्डर ३ थान, दाना खाने फिडर सानो ४० थान, ठूलो ४० थान, कुखुराले पानी खाने भाँडो सानो ३० थान, ठूलो ३० थान, १ दिने चल्ला १२ सय, २५ दिने कुखुरा ९ सय, दाना २० बोरा १० क्विन्टल , सिलिङ पङ्खा १८ वटा र मिटर बक्स १ पूर्ण रूपमा जलेर नष्ट भएको छ।

आगलागीबाट अन्दाजी १२ लाख मूल्यबराबरको क्षति भएको जिल्ला प्रहरी कार्यालय पर्साका प्रवक्ता डीएसपी वीरेन्द्र शाहीले जानकारी दिए।

प्रहरी चौकी अमरपटी पर्सा, दमकल र स्थानीयको सहयोगमा एक घण्टापछि आगो नियन्त्रणमा लिइएको थियो।