अमेरिकी राष्ट्रपति डोनल्ड ट्रम्पले हङकङको स्थितिलाई सम्बोधन गर्दै दुवै पक्षलाई शान्त रहन आग्रह गरेका छन् । चीनको सेना हङकङ नजिकै सेन्जेन सहरमा पुगेको तस्बिर सार्वजनिक भएपछि अमेरिकी राष्ट्रपति ट्रम्पले मंगलबार ट्विट गर्दै यस्तो आग्रह थरेका हुन् । उनले ट्विटमा भनेका छन्,“हामीलाई खुफिया जानकारी मिलेअनुसार चीन सरकार हङकङको सीमा आसपास सेना तैनाथ गरिरहेको छ । सबै शान्त र सुरक्षित रहन आबश्यक छ ।”
हङकङमा विगत सात सातादेखि जारी रहेको तनाव विमानस्थलमा पुगेको छ । प्रदर्शनकारी हवाइ सेवा नै ठप्प पार्ने भन्दै विमानस्थलमा अड्डा जमाएर बसेका छन् भने प्रहरी उनीहरूलाई जसरी भए पनि हटाउन चाहिरहेको छ । यही क्रममा त्यहाँ झडपसमेत भएको थियो ।
यो पनि हेर्नुहोस्
कतारीलाई नेपाली कामदारको सौगात, चालकरहित मेट्रो उपहार
यसैबीच हङकङकी प्रमुख प्रशासक केरी लेमले हङकङलाई गहिरो अन्तहीन खाडलमा नपुर्याउन सरकार विरोधी प्रदर्शनकारीलाई चेतावनी दिएकी छिन् । उनले पत्रकार सम्मेलन गर्दै हङकङ खतरनाक अवस्थामा पुगेको समेत बताएकी छिन् ।
सरकारबाट प्रस्तावित सुपुर्दगी सम्बन्धी विधेयकलाई लिएर सुरू भएको आन्दोलन विधेयक फिर्ता, प्रमुख पशासक लेमको राजीनामा हुदै पक्राउ गरिएकालाई रिहालगायतका मागसम्म पुगेको छ ।
उता चिनियाँ अधिकारीहरूले भने प्रदर्शनलाई आतंकवाद भन्दै त्यसलाई टुलुटुलु हेरेर नबस्ने बताएका छन् ।
