संसारको सबैभन्दा वृद्ध हजाम एन्थोनी म्यानकिनेलीको १०८ वर्षको उमेरमा निधन भएको छ।
न्युयोर्क निवासी एन्थोनीको सेप्टेम्बर १९ मा मृत्यु भएको थियो । उनी ९६ वर्षसम्म कपाल काट्ने पेसामा सम्लग्न भए । एन्थोनीले दोस्रो विश्वयुद्धभन्दा अघि अर्थात सन् १९३२ बाट कपाल काट्न सुरु गरेका थिए ।
सन् २०१८ मा एन्थोनीको नाम गिनिज बुक अफ वल्ड रेकर्डमा विश्वको सबैभन्दा बृद्ध हजामको रुपमा नाम दर्ता भएको थियो ।
एन्थोनीका ८२ वर्षे छोरा रोबर्ट म्यानकिनेलीका अनुसार पिता एन्थोनी सम्पूर्ण जिन्दगीभरी स्वस्थ रहेका थिए। तर अन्तिम समयमा भने उनलाई क्यान्सर रोग लाग्यो । यही वर्ष फेब्रुअरीमा उनलाई क्यान्सर लागेको पत्ता लागेको थियो।
सोही रोगको कारण उनको मृत्यु भएको हो।
