बेलायतको नर्थ योर्कशायरको कोलबर्न टाउन काउन्सिलको मेयरमा एक नेपालीमूलका चिकित्सक विजयी भएका छन्। बेलायतको राजनीतिमा लामो समयदेखि सक्रिय डा. जगन्नाथ शर्मा मेयर भएका हुन्। यसअघि उनले काउन्सिलर र उपमेयरका रूपमा पनि नगरको सेवा गरिसकेका छन्।
पेशाले स्थानीय आर्मी मेडिकल अस्पतालका स्पोर्टस् डाक्टर डा. शर्माको पुस्तेनी थातथलो भने नेपालको पर्वत जिल्लाको बिहादी हो।
मेयरमा निर्वाचित भएपछि डा. शर्माले भने- 'स्थानीय समस्याहरूको समाधान गर्दै नेपाल र बेलायतबीचको सम्वन्धलाई जनस्तरमा लैजान पहल गर्नेछु।'
