८ वर्षीया बालकको अपहरणपछि हत्या गर्ने २ अपहरणकारीलाई प्रहरीले पक्राउ गरेको छ । 

बाराको कलैया उप–महानगरपालिका वडा नम्बर ११ बाट हत्यामा संलग्न विकास शर्मा र सिकेन्द्र साहलाई गोली हानी नियन्त्रणमा लिएको प्रहरीले जनाएको छ।

२ नम्बर प्रदेश प्रहरी प्रमुख डीआईजी हरि पालका अनुसार बालक अपहरणमा संलग्न रामबिनेस महतोलाई पनि पक्राउ गरिएको छ ।

अपहरणकारीलाई पक्राउ गर्ने क्रममा भाग्न खोजेपछि उनीहरू माथी गोली प्रहार गरी नियन्त्रणमा लिइएको डीआईजी पालले बताए ।

जेठ १० गते शुक्रबार बिहान १० बजे बीरगञ्जबाट ८ वर्षीय बालक करण साहलाई अपहरण गरिएको थियो। अपहरणकारीले बाराको कलैया नगरपालिका वडा नम्बर ११ मा लगि हत्या गरेका थिए। गोली लागेर घाईते भएका अपहरणकारीको स्थानीय अस्पतालमा उपचार भईरहेको प्रहरीले जनाएको छ।

अपहरणकारीले बालकको हत्या गर्नुअघि परिवारसँग ५० लाख फिरौती रकम माग गरेका थिए।