सुनसरीको धरानमा लुटेरा समूहको गोली लागि एक जना घाइते भएका छन्।

आइतबार दिउँसो एउटा माइक्रो फाइनान्स कम्पनीको पैसा लुट्न आएको लुटेरा समूहले गोली चलाउँदा उक्क फाइनान्सका सुरक्षा गार्ड घाइते भएका छन्।

धरानबजारदेखि पूर्वतर्फ साउनेस्थित जीवन विकास बैंकमा घटना भएको हो।

सुनसरीका प्रमुख जिल्ला अधिकारी प्रेमप्रकाश उप्रेतीका अनुसार मोटरसाइकलमा आएको तीन जनाको समूहले माइक्रो फाइनान्सको सुरक्षा गार्ड शम्भु गच्छदारलाई गोली हानेर भागेका हुन्। पेटमा गोली लागेर गम्भीर घाइते भएका गच्छदारको धरानकै वीपी कोइराला स्वास्थ्य विज्ञान प्रतिष्ठानमा उपचार भइरहेको प्रहरीले जानकारी दिएको छ।

घटनाबारे अनुसन्धान सुरू गरिसकेको प्रहरीले जानकारी दिएको छ।