पाकिस्तानको बलुचिस्तानस्थित ग्वादरमा रहेको एक पाँच तारे होटलमा आतंकवादी हमला भएको छ।
स्थानीय प्रहरीका अनुसार पर्ल कन्टिनेन्टल होटलमा आइतबार ३–४ जना बन्दुकधारी प्रवेश गरेका थिए। घटनामा तीन आतंकवादीसहित ४ जनाको निधन भएको छ।
आतंकवादी होटलमा प्रवेश गरेको सूचना पाउना साथ पाकिस्तानी सुरक्षाकर्मी होटल पुगेका थिए। सुरक्षाकर्मी र आतंकवादीबीच लामो समय गोलीबारी भएको बताइएको छ।
पाकिस्तानी आर्मीले जनाएअनुसार मर्नेमा एकजना सुरक्षाकर्मी छन्। घटनाको जिम्मेवारी प्रतिबन्धित बलुचिस्तान लिबरेशन आर्मीले लिएको छ।
घटना स्थानीय समयअनुसार साँझ ४ बजेर ५० मिनेटमा भएको थियो।
.jpg)
