मंसिर २४ गते मंगलबार नेपाल र भुटानबीच भएको फुटबलको फाइनल खेल हेर्न पुगेका दर्शक र पत्रकारमाथि आक्रमण भएको सम्बन्धमा प्रहरीले छानबिन थालेको छ।
महानगरीय प्रहरी कार्यालय रानीपोखरीले एसएसपी श्याम लाल ज्ञवालीको संयोजकत्वमा बुधबार ३ सदस्यीय छानबिन समिति गठन गरेको हो। एसएसपी श्याम ज्ञवालीसँगै डिएसपीद्वय श्याम चौधरी र मनोहर श्रेष्ठ सदस्य रहने गरी समिति गठन गरिएको हो।
घटनामा डीएसपीद्वय रुगम कुँवर र सन्तोषसिंह राठौर मुछिएका छन्। तर उनीहरुले प्रहरीमाथि आक्रमण हुन थालेपछि आत्मरक्षाका क्रममा भएको घटनालाई अतिरञ्जित गराइएको बताएका छन्।
उनले पत्रकार भनेर नचिन्दा एक पत्रकारमाथि समेत हातपात हुन पुगेको बताए।
