१३औं दक्षिण एसियाली खेलकुद प्रतियोगिता (साग) मा नेपाल पुरुष बास्केटबल प्रतियोगिताको सेमिफाइनलमा पुगेको छ।
त्रिपुरेश्वरस्थित राष्ट्रिय खेलकुद परिषद्को कभर्डहलमा आइतबार भएको समूह ए को खेलमा माल्दिभ्सलाई ७६–६२ ले पराजित गर्दै नेपालले सेमिफाइनलमा स्थान बनाएको हो।
नेपालका लागि असिम श्रेष्ठले १८ आयुस सिंहले १५ तथा सदिश प्रधानले १४ स्कोर गरे।
समूह ए मा रहेको नेपाल यस अघि पहिलो खेलमा नेपाल बंगलादेशसँग ६७–६१ स्कोरले पराजित भएको थियो।
अब नेपालले सेमिफाइनलमा भारतसँग खेल्नेछ। अर्को सेमिफाइनलमा बंगलादेशले श्रीलंकासँग खेल्नेछ।
