बार्सिलोना च्याम्पियन्स लिगको नकआउट चरणमा पुगेको छ।
बुधबार राति भएको खेलमा बोरुसिया डर्टमण्डलाई ३–१ ले हराउँदै बार्सिलोना नकआउट चरणमा पुगेको हो।
बार्सिलोनाको जितमा लुईस स्वारेज,लिओनल मेसी र एन्टोनी ग्रिजम्यानले समान एक एक गोल गरे। जाडोन साञ्चोले डर्टमण्डका लागि एक गोल फर्काए।
खेलमा अग्रता बार्सिलोनाले २९ औ मिनेटमा स्वारेजको गोलबाट लिएको थियो। उनले मेसीको पासलाई सदुपयोग गर्दै बार्सालाई अग्रता दिलाएका हुन्।
त्यसको चार मिनेटपछि मेसीले घरेलु टोली बार्सिलोनाको अग्रता दोब्बर पारेका थिए।
मेसीकै पासलाई सदुपयोग गर्दै ६७ औ मिनेटमा ग्रिजम्यानले बार्सिलोनाका लागि तेस्रो गोल गरे।
युवा स्टार सान्चोले ७७ औ मिनेटमा पाहुना टोलीका लागि एक गोल फर्काए।
समूह एफको शीर्ष स्थानको बार्सिलोनाले ५ खेलबाट ११ अंक जोड्यो। डर्टमण्ड ७ अंक सहित तेस्रो स्थानमा रह्यो।
