भेरियबल उच्च हावाको गतिका कारण पोखरा–जोमसोम हवाई सेवा बुधबार प्रभावित भएको छ।
बिहान ६:३० बजे पोखराबाट जोमसोमका लागि उडेको तारा एयर र सुमिट एयरको जहाज रनवेमा अवतरण नगरी पोखरा फर्किएको जोमसोम नागरिक उड्यन कार्यालयका प्रमुख दिपक विकले जानकारी दिए।
बुधबार तारा र सुमित एयरलाइन्सका २/२ गरी ४ वटा उडान रहेपनि उत्तरी हावाका कारण जहाज अवतरण हुन नसकेको जोमसोम नागरिक उड्यन कार्यालयका प्रमुख दिपक बिकले बताए। जहाजले धावनमार्ग छोएपनि जहाज अवतरण नसकेपछि २ वटै जहाज जोमसोमबाट पोखरै फर्काएकाे उनले बताए।
कार्यालय प्रमुख विकका अनुसार मुस्ताङमा ४७ नर्थको हावा चलेको हाे। यात्रुले भरिएको जहाजमा पाइलटले रिक्स लिन मुस्किल परेका कारण जहाज फर्किएको उनको भनाई छ ।
सामान्यतया जहाज अवतरणका लागि २० नर्थ देखि कम हुनुपर्नेमा अत्यधिक हावा प्रवाह भएको जनाए। हावाको गतिले जोमसोम आसपासका स्थानमा धुलाम्मे भइरहेको छ भने मौसम पनि ढुम्म छ।
