२९ कात्तिकमा रिलिजको तयारीमा रहेको अभिनेता सौगात मल्लको मुख्य भूमिका रहेको फिल्म ‘माछा माछा’को रिलिजको मिति सारिएको छ । यो फिल्म प्राविधिककारण देखाएर सारिएको हो ।
अब यो फिल्ममा मंसिर २० मा रिलिज हुने निर्माण युनिटले जनाएको छ ।
‘माछा माछा’मा सौगातको अलवा विजय बराल, अनोज पाण्डे, माओत्से गुरुङ, नम्रता श्रेष्ठ, सरिता गिरी, भोलाराज सापकोटा, कमलमणी नेपाललगायतका कलाकारको अभिनय रहनेछ ।
सिनेमा आर्ट र नौमती इन्टरटेनमेन्टको व्यानरमा निर्मित ‘माछा माछा’को लेखक तथा निर्देशक सुनिल गुरुङ हुन् । फिल्मलाई रामबाबु गुरुङ र दयाहाङ राईले निर्माण गरेका हुन् । शिवराम श्रेष्ठले फिल्म खिचेका हुन् ।
फिल्ममा अनुपम शर्माको संगीत, निमेष श्रेष्ठको सम्पादन र प्रविन सिंहको कोरियोग्राफी छ । ‘माछा माछा’मा अभिनेत्री श्रृष्टि श्रेष्ठले विशेष भूमिका निर्वाह गरेकी छन् ।
