धुलिखेल अस्पतालको ८ नम्बर कोठा। 8A शैय्याको छेवैमा उनी घाइते स्याहार्दै रहेछन्। घाइते चाहिँ सबिता थापा। उनकी श्रीमती। उनको दाहिने हातको पाखुरामा स्टिल जोडिएको थियो। 'ठीक हुँदै छु,' सानो स्वरमा बोल्दै थिइन् सबिता।
उनको स्याहारमा जुटेका व्यक्ति हुन् लोकबहादुर थापा। घर सिन्धुपल्चोक सानोपाखर। लोकबहादुर पनि घाइते नै। निधारमा दर्फरिएको घाउको डोब प्रष्ट देखिइरहेको थियो। कुराकानीको अनुमति मागेपछि सबितालाई केहीबेर आफन्तको जिम्मा लगाउँदै हामीलाई अस्पतालको छततिर डोर्याए उनले।
+++
गएको आइतबार सुनकोशीमा भएको बस दुर्घटनामा परेर घाइते भएकालाई भेट्न दुर्घटनाको दुई दिनपछि हामी काभ्रेपलाञ्चोकको धुलिखेल अस्पताल पुग्यौं। मंगलबार दिउँसो अस्पतालमा पुग्दा धेरै जसो उपचार गरी फर्किँदै रहेछन्।
गम्भीर रुपमा घाइते भएकाहरु अर्थोपेडिक्स वार्डमा रहेको जानकारी पाएपछि हामी त्यही वार्डको ८ नम्बरमा हामीले भेट्यौं लोकबहादुर।
