जर्मन क्लब बायर्न म्युनिख च्याम्पियन्स लिगको नकआउट चरणमा पुगेको छ ।
बायर्नले बुधबार राति भएको खेलमा ग्रीसको ओलम्पियाकोसलाई २–० ले पराजित गर्दै दुई खेल बाँकी छदै नकआउट चरणमा पुगेको हो ।
बायर्नको जितमा रोवर्ट लेवान्डोस्की र इभान पेरिसिसले गोल गरे ।
६९औं मिनेटमा लेवान्डोस्कीले गोल गर्दै बायर्नलाई अग्रता दिलाए । खेल सकिन एक मिनेट बाँकी रहँदा पेरिसिसले गोल गर्दै बायर्नलाई २–० को जित दिलाए ।
समूह ‘बी’ मा अपराजित रहेको बायर्नले ४ खेलबाट १२ अंक जोड्यो ।
अब बाँकी दुई खेलमा पराजित भएपनि बायर्नलाई कुनै फरक पर्ने छैन । टोटेनहम ७ अंक जोडेर दोस्रो, रेड स्टार बेलग्रेडको ३ तथा ओलम्पियाकोस १ अंक जोडेर पुछारमा छ ।
