नेपालको राष्ट्रिय ध्वजाबाहक नेपाल एयरलाइन्सले आन्तरिक उडानमा डलर फेयर हटाउने भएको छ । यो निर्णयसँगै अब नेपाली र विदेशीले आन्तरिक उडानमा समान भाडादरमा उड्ने भएका छन् ।
अहिले नेपालको हवाइ यातायातमा विदेशी पासपोर्टबाहकले बढी भाडा तिर्नुपर्छ भने नेपाली पासपोर्टबाहकले कम । नेपाल एयरलाइन्सको यो निर्णयसँगै अब त्यस्तो नभएर सबैलाई समान भाडा लाग्ने भएको हो ।
यो निर्णयबाट अब विदेशी पासपोर्टमा नेपाल पुग्ने नेपालीलाई ठूलो राहत मिल्ने भएको छ । उनीहरू नेपालीमूलका विदेशी भएकाले उनीहरूले पनि विदेशीसरह नै डलरमा महंगो भाडादर तिनर्पर्ने हुन्थ्यो । त्योबाट बच्नका लागि उनीहरू नेपाल पुग्नेबित्तिकै पुरानो नेपाली नागरिकता प्रमाणपत्र खोजेर त्यही देखाएर डलर फेयरबाट जोगिदै आएका थिए ।
नेपाल एयरलाइन्सले यो निर्णय गरे पनि निजी विमानसेवा सञ्चालकहरूले डलर फेयर नै लगाइरहेका छन् । तर, अब उनीहरूलाई पनि समान भाडादर लगाउनुपर्ने दवाव सिर्जना हुनछ ।
पर्यटन मन्त्रालयका एक अधिकारीले सरकारले चाँडै नै नीतिगत निर्णय गरेर नै समान भाडादर कायम गराउने छ ।
नेपाल भ्रमण वर्ष २०२० लाई सफल बनाउने क्रममा यो निर्णय लिन लागिएको बताइएको छ ।
