फिल्म ‘पानीपत’को ट्रेलर रिलिज गरिएको छ । अजुर्न कपुर, सञ्जय दत्त र कृति सेननको अभिनय रहेको फिल्म ‘पानीपत’को ट्रेलर रिलिज हुने बितिकै सामाजिक संजालमा चर्चा हुन थालेको छ
ट्रेलर हेरेर सामाजिक सञ्जालमा केहीले पानीपतको ट्रेलर सञ्जयलिला भन्सालीको फिल्म पद्यावत र बाजीराव मस्तानीको कपि गरेको आरोप लगाउन थालेका छन् ।
आशुतोष गोवारिकरको निर्देशन रहेको फिल्मको ट्रेलरमा डाइलग, गेटअप र सिन पनि बाजीराव मस्तानी जस्तो छ । । ट्रेलरमा अर्जुन र कृतिको केमेस्ट्री देख्न सकिन्छ ।
अर्जुनले फिल्ममा सदाशिव राव भाऊको भूमिका छ । सञ्जय दत्त अहमद शाह अब्दालीको भूमिकामा र कृतिले मराठा महारानीको भूमिका निर्वाह गरेकी छन् ।
फिल्म पानीपतको तेस्रो लडाईंमा आधारित छ । जुन अब्दाली र मराठाबीच १४ जनवरी १७६१ मा लडिएको थियो । यसलाई १८ औं शताब्दीको सबैभन्दा महत्वपूर्ण लडाईमध्ये एक मानिन्छ ।
६ डिसेम्बरमा रिलिज हुन लागेको यो फिल्ममा मोहनीश बहल र जीनत अमानको पनि मुख्य भूमिका छ । छायाँकनको समयदेखिनै चर्चामा रहेको फिल्मले बक्सअफिसमा राम्रो कमाइ गर्ने आकंलन गरिएको छ ।
