नवलपरासीको सरावल गाउँपालिका वडा नं.३ जनकपुरमा मोटरसाईकल दुर्घटना हुँदा १ जनाको मृत्यु भएको छ । दुर्घटनामा परि सरावलका २७ वर्षीय निरज चौधरीको मृत्यु भएको हो ।
भुतहा महेशपुर सडकखण्ड अन्तर्गत पिपराबाट सरावल आउँदै गरेको युपी ७९ एस ६३२४ नम्बरको मोटरसाइकल पुलमा ठोक्किएपछि उनको मृत्यु भएको प्रहरीले जनाएको छ ।
चौधरीको अस्पताल लैजाँदै गर्दा मृत्यु भएको इलाका प्रहरी कार्यालय गोबरहियाले जनाएको छ । चौधरीको शव पोस्टमार्टमका लागी पृथ्वीचन्द्र अस्पताल परासी पठाइएको छ ।
