प्रिमियर लिग फुटबलमा लेष्टर सिटीले सहज जित निकालेको छ ।
आइतबार राति लेष्टरको घरेलु मैदानमा भएको खेलमा क्रिष्टल प्यालेस २–० गोल अन्तरले पराजित भएको हो ।लेष्टरलाई जित दिलाउन काग्लार सोयुन्कु र जेमी भर्डीले एक एक गोल गरे ।
पहिलो हाफ गोलरहित बराबरीमा सकिएको खेलको ५७ औं मिनेटमा सोयुन्कुले गोल गर्दै लेष्टरलाई अग्रता दिलाएका थिए ।
त्यसपछि खेलको ८८ औं मिनेटमा भर्डीले गोल गर्दै लेष्टरलाई २–० को सहज जित दिलाए ।
जितसँगै लेष्टरले ११ खेलबाट २३ अंक जोडेको छ । लेष्टर लिगको तेस्रो स्थानमा समेत उक्लिएको छ ।त्यस्तै समान अंक भएपछि गोल अन्तरमा चेल्सी चौथो स्थानमा झरेको छ ।
१५ अंक जोडेको क्रिष्टल नवौं स्थानमा रहेको छ ।
