फ्रेन्च लिग वन अन्तर्गत पीएसजीले मार्सेलीमाथि फराकिलो जित हासिल गरेको छ ।
गएराती सम्पन्न खेलमा पिएसजीले मार्सेलीमाथि ४-० को जित हासिल गरेको हो ।
पिएसजीको जितमा माउरो इकार्डी र किलीयन एम्बाप्पेले २–२ गोल गरेका थिए । खेलका चारै गोल पहिलो हाफमा भएका थिए ।
खेलको १० औं र २६ औं मिनेटमा इकार्डीले गोल गरेका थिए । यता एम्बाप्पेले भने खेलको २३ र ४४ औं मिनेटमा गोल गरेका थिए ।
यो जितसँगै ११ खेलपछि पिएसजीको २७ अंक भएको छ भने मार्सेलीको ११ खेलमा १६ अंकसहित सातौ स्थानमा रहेको छ ।
