चर्चित गायिका मेलिना राईले इन्गेजमेन्ट गरेकी छन्।

उनले इलामका ध्रुव गुरूङसँग इन्गेजमेन्ट गरेकी हुन्। ध्रुव पेशाले ब्रिटिस लाहुरे रहेको बुझिएको छ। यी दुईको विवाह शुक्रबार हुँदैछ।

काठमाडौं गोकर्णेश्वरको हिमाली घर रेस्ट्रों रिसोर्टमा विवाह समारोह राखिएको छ। परिवार, आफन्त र सीमित साथीभाइको उपस्थितिमा विवाह हुन लागेको बुझिएको छ।

सामाजिक सञ्जालमा राईले इन्गेजमेन्ट गरेको भिडियो तथा तस्बिरहरू हाल्दै उनका फ्यान, शुभचिन्तक तथा कलाकारहरूले शुभकामना दिइरहेका छन्।

युट्युबमा सर्वाधिक हेरिएको ‘कुटुमा कुटु’सहित मेलिनाले स्वर दिएका दर्जनौं गीत सुपरहिट छन्। मेलिना राईका ‘पिरेम नलाउनी’, ‘बैंसै बेइमानी’, ‘नाच फिरिरी’ गीत पनि लोकप्रिय छन्।

उनी रियालिटी शो 'द भ्वाइस अफ नेपाल सिजन ६' को कोच पनि हुन। उक्त रियालिटी शो पनि भोलि शुक्रबारदेखि प्रसारण हुँदैछ।