काठमाडौँको तारकेश्वरमा घरायसी विवादका क्रममा श्रीमतीमाथि धारिलो हतियार प्रहार गरी हत्या गरेको आरोपमा प्रहरीले ‘नेपाली ब्रो’ भनेर चिनिने कुमार थापा मगरसहित चार जनालाई पक्राउ गरेको छ।

पक्राउ पर्नेहरूमा पक्राउ पर्नेहरूमा श्रीमान् थापासहित नुवाकोटको तारकेश्वर–४ घर भएका ३६ वर्षीय विक्रम थापा मगर, काठमाडौं महानगरपासलका–१६ बालाजु बस्ने ४० वर्षीय पुजन थापा क्षेत्री र जुम्लाको हिमा गाउँपालिका घर भइ हाल काठमाडौंको गोकणेश्वर नगरपालिका–८ बस्ने २५ वर्षीया प्रतिक्षा आचार्य रहेका छन्।

उक्त घटनामा जाहेरी परेका अन्य तीन जनालाई पनि नियन्त्रणमा लिएर अदालतबाट ५ दिन म्याद थप गरी अनुसन्धान भइरहेको जिल्ला प्रहरी परिसर, काठमाडौंका एसपी पवन भट्टराईले जनाएको छ।

शुक्रबार राति घरायसी विवादका क्रममा थापाले ४२ वर्षीया ईश्वरी भुजेलमाथि धारिलो हतियार प्रहार गरेका थिए। 

श्रीमानकाे प्रहारबाट गम्भीर घाइते भएकी भुजेलकाे त्रिवि शिक्षण अस्पताल, महाराजगञ्जमा मृत्यु भएको हो। 

 मृतक भुजेल नेपाली सेनामा कार्यरत थिइन्।