ललितपुर महानगरपालिका १३ को सिँचाइ हिटीमा रोकिराखेको दुई ओटा गाडीमा आगलागी भएको छ ।
आइतबार बिहान ११ बजेको समयमा रोकि राखेकोदुई ओटा गाडीमा एक्कासी आगो लागेको प्रहरीले जनाएको छ ।
आगलागीबाट पार्किङ गरी राखिएका बा ३ ख १३८९ र बा ३ ख १६६ नम्बरको गाडी जलेर पूर्णरुपमा क्षति भएको छ । त्यस्तै सँगै रोकेर राखिएको अर्को गाडीमा भने आंशिकरुपमा क्षति भएको महानगरीय प्रहरी वृत्त सातदोबाटोका प्रहरी नायब उपरीक्षक (डिएसपी) गौतम मिश्रले बताए ।
दमकलको सहयोगमा स्थानीय र प्रहरीले आगो निभाएका थिए । आगलागीको कारण भने नखुलेको र अनुसन्धान भैरहेको डीएसपी मिश्रले जानकारी दिए।
