जुम्लाको पातारासी ५ को पानी धारा लम्केनिमा जिप दुर्घटना भएको छ।

जुम्ला बजारदेखि पातारासिको लासि जाँदै गरेको रा १ ज ६२४ नम्वरको जिप शनिबार अपरान्ह ४ बजे दुर्घटना भएको हो ।दुर्घटनामा परी १४ जना घाईते भएको र तीमध्ये दुईजनाको अवस्था गम्भिर रहेको डिल्लीचौर प्रहरी चौकीका हवल्दार गणेश बोहोराले बताए।

उनकानुसार जिपमा २५ जना सवार थिए। १४ जना घाइतेलाई उपचारको लागि कर्णाली स्वास्थ्य विज्ञान प्रतिष्ठान पठाइएको र अन्यको अवस्था सामान्य रहेको छ।

जिप सडकबाट करिव २५ मिटर तल पुगेको छ। प्रहरीका अनुसार चालक फरार रहेको र उनको खोजी भैरहेको छ।

चालकले पछाडि फर्केर हेदा जिप दुर्घटनामा परेको यात्रुहरुले बताएको प्रहरीको भनाई छ।