लियोनविरुद्ध शनिबार राति भएको खेल फ्रेन्च क्लब पेरिस सेन्ट जर्मेन (पीएसजी)ले १–० गोलले जितेको थियो । लियोनकै घरेलु मैदानमा भएको उक्त खेलमा पीएसजीलाई जिताउन नेयमारले निर्णायक गोल गरेका थिए ।

सो खेलपछि बोल्दै नेयमारले उक्त खेल एकदमै कठिन भएको बताएका छन् । उनले लियोन आफ्नो टोलीभन्दा बलियो भएको र उनिहरुले प्रतिरक्षामा उत्कृष्ट खेलेको बताए ।

'धेरै काउन्टर अट्याक गरे तर, हामीले प्रत्येक खेलमा सुधार गरिरहेका छौं', उनले भने हामीले आफ्नो स्तर उकासिरहेका छौं र यो खेलमा हामीले निकै राम्रो प्रदर्शन गर्यौं ।’

यस्तै नेयमारले आफ्नो टोलीको प्रदर्शन यस्तै गतिमा अगाडि बढ्ने बताए ।