नेपाललाई चीनले करिब दुई अर्ब ४० करोड रुपैयाँ बराबरको सैन्य सामग्री सहयोग गर्ने भएको छ ।
नेपाली सेनाका प्रधानसेनापति पूर्णचन्द्र थापा चीन भ्रमणमा रहेका बेला सैन्य सहयोगसम्बन्धी सम्झौतामा हस्ताक्षर भएको हो ।
सहमतिमा हस्ताक्षर गर्नुपूर्व नेपालका प्रधानसेनापति पूर्णचन्द्र थापाले चीनको केन्द्रीय सैन्य परिषदका सदस्य तथा प्रधानसेनापति लि जुओचाङसँग शिष्टाचार भेटवार्ता गरेका थिए ।
त्यसअघि प्रधानसेनापति थापाको सम्मानमा चिनियाँ सेनाले बेइजिङस्थित चिनियाँ जनमुक्ति सेनाको हेडक्वार्टरमा सम्मान गारत अर्पण गरेको थियो ।
नेपाली सेनाका अनुसार चिनियाँ जनमुक्ति सेनाले नेपाली सेनालाई मानवीय सहायता तथा विपद् व्यवस्थापन सहयोगअन्तर्गत सैन्य सामग्री तथा सवारी साधन प्रदान गर्न लागेको हो ।
प्रधानसेनापति थापा असार ७ गते स्वदेश फर्कने कार्यक्रम छ । उनी असार १ सप्ताहव्यापि चीन भ्रमणका लागि बेइजिङतिर लागेका थिए ।
प्रकाशित मिति:
: 2019-06-21 06:13:44
.JPG)
