पाकिस्तानका पूर्व प्रधानमन्त्री नवाज शरिफको छोरी मरियम नवाजलाई लाहोरको उच्च अदालतले धरौटीमा रिहा गरेको छ। मरियमलाई चौधरी सुगर मिलको भ्रष्टाचार मुद्धामा जेल चलान गरिएको थियो।
मरियमलाई सोमबार ९ करोड रुपैयाँ धरौटी राख्न अदालतले निर्देशन दिएको थियो। उनले आफ्नो पासपोर्ट पनि सरकारलाई बुझाउनु पर्नेछ। मरियमलाई ८ अगस्टमा गिरफ्तार गरिएको थियो।
मरियम पाकिस्तान मुस्लिम लिग–नवाजकी नेता पनि हुन्। पूर्वप्रधानमन्त्री सरिफ पनि भ्रष्टाचार मुद्धामा हाल पाकिस्तानको जेलमा छन्।
