भारतीय सेनाले पाकिस्तानले युद्धविरामको उल्लंघन गर्दै आइतबार जम्मू–कश्मीरको कुपवारा जिल्लामा गरेको आक्रमणमा दुई जना गोर्खा सैनिकको ज्यान गएको छ । आक्रमणमा गोर्खा रेजिमेन्टका जवान पदमबहादुर श्रेष्ठ र राइफल म्यान गमिलकुमार श्रेष्ठको ज्यान गएको भारतीय सञ्चारमाध्यमले जनाएका छन् ।
पदमबहादुर श्रेष्ठ आसामको गोलाघाटका हुन् । ज्यान गुमाउने जवान गमिलकुमार श्रेष्ठ नेपालको पाल्पा जिल्लाका रहेको खुल्न आएको छ ।
भारतीय सेनाका प्रधान सेनापति जनरल विपिन रावतले दुई जना सैनिकको निधनलाई लिएर दुःख व्यक्त गरेका छन् ।
गएको अगष्ट ५ मा जम्मू–कश्मीरलाई विशेष राज्यको मान्यता दिने धारा ३७० खारेजपछि भारत-पाकिस्तानबीच तनाव बढ्दो छ । योसँगै भारत र पाकिस्तानले एकअर्कालाई युद्ध विराम उल्लंघन गरेको आरोप लगाउँदै आएका छन् ।
#LtGenRanbirSingh, #ArmyCdrNC and all ranks salute the supreme sacrifice of our brave soldiers & offer deepest condolences to the families. @adgpi @PIB_India @SpokespersonMoD pic.twitter.com/FqGnHhoSzV
— NorthernComd.IA (@NorthernComd_IA) October 20, 2019
