मलेसियाको मलाका राज्यको सरंगाई उडांगा जेलमा रहेका एक नेपालीको ११ बर्षको कैद सजाय माफ भएको छ ।
नेपाली दूतावास, क्वालालम्पुरका अनुसार सन् २०१२ को अगष्ट १४ मा मलेसियामा पक्राउ परेका लहान,सिरहाका सुभेकलाल चौधरीको कैद सजाय माफि भएको हो ।
चौधरीलाई सन् २०१५को जनावरी २६ मा मलाका उच्च अदालतले मलेसियन पेनल कोडको दफा ३०४ (क) को अभियोगमा दोषी ठहर्याई १५ बर्षको जेल सजाय सुनाएको थियो ।
४ बर्ष जेल जीवन बिताएका चौधरी मंगलबार नेपाल फिर्ता भएको दूतवासले जनाएको छ ।
