साफ महिला च्याम्पियनसीप फुटबलको नेपाल र बंगलादेशबीचको फाइनल खेल हेर्न टिकट काट्नेहरुको बिहानैदेखि भीड लागेकाे छ।

अखिल नेपाल फुटबल संघ (एन्फा)ले बिहान ८ बजेदेखि एन्फा कम्प्लेक्स सातदोबाटो, भद्रकाली (आर्मी गेट) र जावलाखेल फुटबल मैदानमा टिकट बिक्री थालेको भएपनि बिहान ५ बजेदेखि नै लाइन लाग्न सुरु भएको थियो।

एकजनाले अधिकतम २ वटा भिआइपी र ५ वटा साधारण प्यारापिटको टिकट लिन सक्ने व्यवस्था मिलाइएको छ।

नेपाल र बंगलादेशबीचकाे उपाधि खेल साँझ ६ : ३० बजेदेखि हुँदैछ।