नेपाली कांग्रेस कर्णाली प्रदेश सरकारमा सहभागी हुने ४ जनाकाे नाम टुङ्गाे लगाएकाे छ।
कांग्रेस कर्णाली प्रदेशका प्रमुख सचेतक हिक्मतबहादुर विष्टले मुख्यमन्त्री यामलाल कँडेललाई ४ जनाको नाम बुझाएका हुन्।
काँग्रेसबाट आर्थिक मामिला तथा योजना मन्त्रालयमा राजीवविक्रम शाह, सामाजिक विकास मन्त्रालयमा घनश्याम भण्डारी, ऊर्जा तथा जलस्रोत मन्त्रालयमा विजया बुढा र उद्योग, पर्यटन, वन तथा वातावरण मन्त्रालयमा सुरेश अधिकारीको नाम बुझाइएकाे छ।
उनीहरूकाे नियुक्त र शपथ आजै हुने बताइएकाे छ।
कर्णालीमा एमाले संसदीय दलका नेता यामलाल कँडेल प्रदेशको मुख्यमन्त्री छन्।
केन्द्रीय सत्ता समीकरण फेरिएपछि नेकपा माओवादी केन्द्र सरकारबाट बाहिरिएसँगै कांग्रेस सरकारमा सहभागी हुन लागेकाे हाे।
.jpg)
