नेपाली काँग्रेसका सभापति शेरबहादुर देउवाले एमाले अध्यक्ष केपी शर्मा ओलीसँगको भेटवार्ता सकारात्मक भएको बताएकाे छन्।
साेमबार आफ्नै निवास बूढानीलकण्ठमा भएकाे कांग्रेस पदाधिकारी र पूर्व पदाधिकारीहरुको बैठकमा देउवाले गत शनिबार ओलीसँग भएको भेटवार्ताबारे बिफ्रिङ गर्दै यस्ताे बताएका हुन्।
उनले एमालेसँगको सम्बन्ध सुमधुर रहेको र अहिले नै धेरै टिप्पणी नगर्न आग्रह गरेकाे देउवाकाे भनाइ उद्धृत बैठकमा सहभागी एक पदाधिकारीले बताए।
शनिबार कांग्रेस सभापति देउवाले एमाले अध्यक्ष ओलीसँग भेट गरेपछि तरंगित भएको राजनीतिक वृतमा कांग्रेस-एमालेको सरकार बन्ने चर्चा चलिरहेको छ।
